Tionscadal Soláthair Uisce Réigiún an Oirthir agus an Láir Tíre

Is é ár gcuspóir seirbhísí uisce bunathraitheacha a sholáthar a chuidíonn le pobail déanamh go maith. Do Réigiún an Oirthir agus an Láir Tíre, teastaíonn foinse nua uisce chun aghaidh a thabhairt ar an dúshlán sin.

I láthair na huaire níl againn ach foinse amháin chun 85% den uisce a sholáthar do Mhórlimistéar Bhaile Átha Cliath – is é sin An Life Mar gheall ar an spleáchas sin ar An Life (agus dhá phríomhionad cóireála an Bhaile Mhóir agus Léim an Bhradáin), cruthaítear leochaileacht an-mhór i leith rioscaí amhail triomach fada agus/nó éilliú. Ina theannta sin, mar gheall ar an bhfás eacnamaíoch, ar an bhfás daonra lena n-áirítear an t-éileamh ar thithíocht agus tionchar an athraithe aeráide, léirítear lenár réamhaisnéisí go mbeidh 34% níos mó uisce ná mar atá ar fáil inniu ag teastáil ón réigiún faoi 2044. Níl an meascán sin d’easnamh soláthair uisce atá ag dul i méid agus easpa athléimneachta soláthair inbhuanaithe – tá foinse nua uisce de dhíth orainn.

s é an réiteach an Tionscadal Soláthair Uisce Réigiún an Oirthir agus an Láir Tíre. Mar a thionscadal bonneagair náisiúnta criticiúil, beidh sé ábalta tacú le riachtanais soláthair uisce do suas le 50% dár ndaonra. Tabharfaidh sé uisce cóireáilte ó Abhantrach an Phairtín go Mullach na Pise i mBaile Átha Cliath agus beidh an acmhainn leis le haghaidh asbhaintí feadh an bhealaigh i dTiobraid Árann, in Uíbh Fhailí agus san Iarmhí. Éascófar leis freisin soláthairtí a fhreastalaíonn ar Bhaile Átha Cliath a atreorú ar ais go háitiúil i gCeatharlach, i gCill Mhantáin, sa Mhí agus i Lú.

Fáilte chuig Seomra an Chomhairliúcháin Fhíorúil. Cliceáil ar an gcnaipe thíos agus osclófar an seomra i bhfuinneog bhrabhsálaí eile. Tá an fhaisnéis go léir faoin tionscadal sa Seomra Fíorúil i seomra 360 céim. Úsáid na deilbhíní treo chun bogadh thart agus úsáid do luchóg chun cliceáil ar scáileán teilifíse nó ar Chlár Taispeána chun féachaint ar an bhfaisnéis agus ar fhoirm aiseolais chun do thuairimí a fhágáil.

Is féidir le páirtithe leasmhara na ceisteanna seo a leanas a úsáid chun a n-aiseolas a threorú. Ní ach áis é sin, áfach, agus breithneofar gach aighneacht ábhartha a gheofar mar fhreagairt ar an gcomhairliúchán.

1. Cad a cheapann tú faoi na buntáistí a d’fhéadfadh a bheith leis an Tionscadal atá Beartaithe?
2. An bhfuil aiseolas ar bith agat faoi na príomh-chomhpháirteanna bonneagair den Tionscadal atá Beartaithe, amhail an stáisiún iontógála agus caidéalúcháin uisce, píblínte, ionad cóireála uisce, taiscumar stórála, stáisiún caidéalúcháin neartaithe agus umar scaoilte brú?
3. Cad a cheapann tú faoin gcur chuige tógála atá beartaithe, lena n-áirítear úsáid na mbóithre aitheanta don trácht tógála, agus suíomhanna na stórála sealadaí agus na limistéar oibre?
4. An féidir leat aon tuairimí a thabhairt maidir leis an tionchar a d’fhéadfadh a bheith ag an Tionscadal atá Beartaithe ar an timpeallacht agus maidir leis na bearta atá beartaithe chun na tionchair sin a mhaolú?
5. An bhfuil aon tuairimí breise ar mhaith leat a roinnt maidir leis an Tionscadal atá Beartaithe?
    

Cuirimid fáilte roimh gach aighneacht ábhartha maidir leis an tionscadal atá beartaithe agus breithneoimid gach ceann acu go cúramach. Nuair a thiocfaidh deireadh leis an tréimhse chomhairliúcháin, beidh Tuarascáil Aighneachtaí Comhairliúcháin ar fáil ar shuíomh gréasáin an tionscadail.

Cuideoidh an t-aiseolas a gheofar leis na doiciméid don iarratas pleanála a mhúnlú. Is é ár sprioc an t-iarratas pleanála le haghaidh Forbairt Bonneagair Straitéisigh agus an t-iarratas ar Ordú Ceannaigh Éigeantaigh a chur faoi bhráid an Bhoird Pleanála in 2025. Áireofar leis an aighneacht seo gach plean, sonra, tuarascáil tacaíochta, an Tuarascáil ar Mheasúnacht Tionchair Timpeallachta, agus Ráiteas Tionchair Natura.

Chun tuilleadh eolais a fháil, féach ar ár ndoiciméad Ceisteanna Coitianta. Má bhíonn ceisteanna ar bith eile agat, ná bíodh drogall ort teagmháil a dhéanamh linn tríd an seoladh ríomhphoist thuas.

• Project Summary Report Water Supply Project Eastern and Midlands Region 2025
   
• Project Summary Report Water Supply Project Eastern and Midlands Region - Supporting Figures  - Site Layout Plans
   
• Project Summary Report Water Supply Project Eastern and Midlands Region - Supporting Figures  - Proposed Land Use
   
• Project Summary Report Water Supply Project Eastern and Midlands Region - Supporting Figures  - Landscape Plans
   
• Project Summary Report Water Supply Project Eastern and Midlands Region - Supporting Figures  - Overview Component Plans
   
  • Project Summary Report Water Supply Project Eastern and Midlands Region - Supporting Figures  - Overview Component Plans 1-20
     
  • Project Summary Report Water Supply Project Eastern and Midlands Region - Supporting Figures  - Overview Component Plans 21-40
     
  • Project Summary Report Water Supply Project Eastern and Midlands Region - Supporting Figures  - Overview Component Plans 41-59
     
• Project Summary Report Water Supply Project Eastern and Midlands Region 2025 - Executive summary
   
• Project Summary Report Water Supply Project Eastern and Midlands Region 2025 - Appendix 1
   
• Project Summary Report Water Supply Project Eastern and Midlands Region 2025 - Appendix 2
   
• Consultation Brochure
   
• Water Supply Project Eastern and Midlands Region infographic
   

• Water Supply Project, critical to securing Ireland’s economic growth and housing needs for the future, gets Government green light
• Uisce Éireann launches Public Consultation on the Water Supply Project Eastern and Midlands Region