Maidir Linn
Is sinne Uisce Éireann. Mar fhóntas náisiúnta rialaithe uisce na hÉireann, bímid freagrach gach lá as seirbhísí uisce atá slán, sábháilte agus inbhuanaithe a sholáthar do mhuintir na hÉireann.
Ár gCuspóir agus ár bhFís
Is é an cúram atá orainn uisce óil ar an gcaighdeán is airde a sholáthar do do sconnaí gach lá agus a chinntiú go ndéantar fuíolluisce a chóireáil i gceart agus go gcuirtear ar ais go sábháilte sa timpeallacht é.
Ár gCuideachta
Táimid bródúil as a bheith freagrach as ár soláthar uisce a chosaint chun go ndéanfaimid córas slán sábháilte uisce a sholáthar do dhaonra atá ag fás go tapa agus chun go gcuirfimid borradh faoi fhás sóisialta agus eacnamaíoch na hÉireann.
Scéal an Uisce
Is scannán faisnéise é 'Scéal an Uisce' ina ndírítear ar luach ríthábhachtach na hacmhainne nádúrtha is luachmhaire atá againn agus ar stádas reatha líonra uisce poiblí na hÉireann. Féach ar an réamhfhógrán thíos.
Tar ag Obair Linn
Tá sé mar aidhm againn daoine cumasacha agus oilte a mhealladh agus a fhorbairt, ar daoine iad a bhfuil cúlraí éagsúla acu agus raon saineolais agus léargais acu a bhíonn ag athrú. Creidimid go gcuideoidh a leithéid d'fhórsa saothair láidir linn maidir lenár spriocanna a bhaint amach agus go ligfidh sé dúinn leanúint leis an infheistiú i seirbhísí uisce na hÉireann agus na seirbhísí sin a chur chun cinn.
An Creat um Sheachadadh Seirbhísí Uisce sa Todhchaí
Fáilte romhat chuig suíomh gréasáin tiomanta Uisce Éireann d'fhoireann seirbhísí uisce na nÚdarás Áitiúil d'fhonn an t-eolas is déanaí a thabhairt maidir leis an gcéad chéim eile de bhunathrú earnáil an uisce in Éirinn.
Saoráil Faisnéise
Cuireadh an tAcht um Shaoráil Faisnéise 2014 i bhfeidhm chun a chinntiú go gcuireann ranna rialtais agus comhlachtaí poiblí liostaithe an fhaisnéis a choimeádann siad ar fáil don phobal.
Seirbhísí uisce a bhunathrú
D'fhonn ár seirbhísí uisce a bhunathrú, d'fhorbair Uisce Éireann Plean Gnó sheacht mbliana agus an príomhchuspóir ag baint leis de sheirbhís ardchaighdeáin a chur ar fáil do chustaiméirí.
Cinnteoidh Uisce Éireann go nglacfar le cur chuige náisiúnta agus fadtéarma maidir le pleanáil agus forbairt ár seirbhísí uisce, go gcuirfear deireadh le dúbláil agus go gcuirfear cur chuige córasach i bhfeidhm maidir le hoibriú agus cothabháil na líonraí uisce agus fuíolluisce.
Misean Uisce Éireann
Ba cheart go bhfaigheadh ár gcustaiméirí uile soláthar uisce óil atá sábháilte agus iontaofa agus go ndéantar a bhfuíolluisce a bhailiú agus a chur ar ais sa timpeallacht go sábháilte. Cosnóimid an comhshaol sna gníomhaíochtaí uile dár gcuid agus tacóimid le fás sóisialta agus eacnamaíoch na hÉireann trí infheistíocht iomchuí a dhéanamh i Seirbhísí Uisce.
