Dréacht-Straitéis Fuíolluisce na Gaillimhe

(Limistéar Cathrach na Gaillimhe, Baile Átha an Rí, agus Maigh Cuilinn)

Mar thoradh ar rath eacnamaíoch Ceantar Cathrach na Gaillimhe agus na gceantar máguaird faoin Straitéis Spáis Náisiúnta tá fás an-suntasach tagtha ar na réimsí sin. Mar thoradh air seo, tá dúshlán roimh an mbonneagar fuíolluisce coinneáil suas leis an bhfás seo agus leis an éileamh méadaithe ar thalamh seirbhísithe nua le haghaidh tithíochta, forbartha tráchtála, agus tionscail. Tá sé mar aidhm ag dréacht-Straitéis Fuíolluisce na Gaillimhe straitéis draenála inbhuanaithe a sheachadadh a chosnóidh sláinte an phobail, a chosnóidh ár gcomhshaol agus a éascóidh fás go dtí 2080.

A short description of the Galway Wastewater Strategy with a project map and context to the strategy

An Straitéis

Breithneoidh Dréacht-Straitéis Fuíolluisce na Gaillimhe acmhainn an bhonneagair fuíolluisce atá ann cheana agus sainaithneoidh sí roghanna chun bonneagar fuíolluisce nua a uasghrádú agus a thógáil suas go dtí 2080.

Áireofar sa straitéis anailís ar an mbonneagar fuíolluisce atá ann cheana mar aon le bailiú sonraí, measúnuithe ar an daonra agus ar fhás eacnamaíoch, measúnú straitéiseach comhshaoil, agus comhairliúchán le páirtithe leasmhara chun réitigh mheántéarmacha agus fhadtéarmacha ar riachtanais fuíolluisce an réigiúin a shainaithint.

Beidh an straitéis ag teacht le hoibleagáidí reachtúla agus le tiománaithe rialála atá deartha chun cuspóirí comhshaoil náisiúnta agus idirnáisiúnta araon a leagtar amach sa Chreat-Treoir Uisce (CTU) agus sna Treoracha Cóireála Fuíolluisce Uirbigh a chomhlíonadh (UWWTD).

Cliceáil chun méid na híomhá a fheiceáil

Céard atá ag tarlú anois?

Tá an chéad bhabhta comhairliúcháin oscailte ón 26 Meán Fómhair go dtí an 20 Samhain 2024, agus táimid ag lorg aiseolais agus tuairimí ar an bPáipéar Ceisteanna, ar Scagadh an Mheasúnaithe Straitéisigh Timpeallachta (MST) agus ar Thuarascáil Scóipe an Mheasúnaithe Chuí (MC).

Chun tuilleadh eolais a fháil, féach bileog eolais Dhréacht-Straitéis Fuíolluisce na Gaillimhe.

Féach bileog eolais Dhréacht-Straitéis Fuíolluisce na Gaillimhe

A map of the affected areas in Galway with a diagram of the works

An Limistéar Staidéir

Cuimsíonn limistéar staidéir Straitéis Fuíolluisce na Gaillimhe (SFG) Ceantar Cathrach na Gaillimhe, Baile Átha an Rí agus Maigh Cuilinn.

Cliceáil chun méid na híomhá a fheiceáil

An Gá le Staidéar

Tá roinnt dúshlán roimh Mhórcheantar na Gaillimhe maidir le bailiú agus cóireáil fuíolluisce, lena n-áirítear:

Méadú ar an daonra
Dúshláin reatha maidir le comhlíonadh ag roinnt ionad cóireála fuíolluisce agus líonraí séarachais sa limistéar staidéir
Ceanglais maidir le hacmhainn chóireála fuíolluisce chun déileáil le hualaí reatha agus amach anseo ón limistéar staidéir
Brúnna ar na huiscí glactha ó sceitheadh fuíolluisce laistigh den limistéar staidéir
Éifeachtaí an athraithe aeráide

Cuimseoidh an straitéis riachtanais na bpáirtithe leasmhara, tacóidh sí le fás eacnamaíoch, ceadóidh sí athrú aeráide, freastalóidh sí ar éileamh daonra atá ag fás, agus cosnóidh sí an comhshaol.

A map of the affected area in Galway with bubbles to describe the works that is involved in the project

Buntáistí an Staidéir

Straitéis fuíolluisce a fhorbairt don limistéar staidéir atá comhsheasmhach le Creat-Treoir Uisce an Aontais Eorpaigh agus leis an Treoir Chóireála Fuíolluisce Uirbigh.

Breac-chuntas a thabhairt ar na riachtanais maidir le draenáil agus cóireáil fuíolluisce is féidir freastal ar éilimh an limistéir staidéir i gcomhthéacs na bPleananna Forbartha reatha, an Creat Náisiúnta Pleanála, RSES 2020 agus acmhainn forbartha an limistéir ar bhonn níos fadtéarmaí suas go dtí 2080.

Réitigh mhalartacha a shainaithint do bhainistiú éifeachtach fuíolluisce chun an timpeallacht a chosaint agus a fheabhsú, chun tacú le fás sóisialta agus eacnamaíoch a bheidh ailínithe le Plean Straitéiseach Sheirbhísí Uisce Éireann (UÉ) agus le Ráiteas Beartais Seirbhísí Uisce (RBSU) Rialtas na hÉireann.

Réitigh mhalartacha a mheas agus na réitigh draenála fuíolluisce is fearr a shainaithint ag féachaint do chostas saolré agus d’fheidhmíocht chomhshaoil.

Réitigh a shainaithint chun moltaí na Straitéise Fuíolluisce a chur i bhfeidhm, mar aon le tosaíocht a thabhairt do thionscadail feidhmithe den sórt sin.

Straitéis inoiriúnaithe a fhorbairt ina bhfuiltear ag súil go mbeidh torthaí a bhfuiltear ag súil leo nasctha le tionchair luaineacha cosúil leis an athrú aeráide agus le hathrú daonra agus ina ndeimhnítear go dtacóidh an straitéis le táscairí agus le torthaí ar íoschostas.

Nasc dearfach a bhunú leis an bpobal agus muinín a spreagadh in UÉ mar chaomhnóirí iontaofa seirbhísí uisce agus fuíolluisce.

Dréacht-Straitéis Fuíolluisce na Gaillimhe

Bileog Eolais Dhréacht-Straitéis Fuíolluisce na Gaillimhe

Páipéar Ceisteanna Dhréacht-Straitéis Fuíolluisce na Gaillimhe

Tuarascáil um Scagadh MC Dhréacht-Straitéis Fuíolluisce na Gaillimhe

Tuarascáil Scóipe Mheasúnú Straitéiseach Timpeallachta (MST) Dhréacht-Straitéis Fuíolluisce na Gaillimhe

Conas Páirt a Ghlacadh

Tá bhur dtuairimí á lorg anois againn sa Pháipéar Ceisteanna, sa Mheasúnú Straitéiseach Timpeallachta (MST) agus sa Tuarascáil Scóipe agus Measúnaithe Chuí (MC) tríd an gcomhairliúchán poiblí seo, a bheidh ar siúl ón 26 Meán Fómhair go dtí an 20 Samhain 2024.

Chun cabhrú le páirtithe leasmhara aighneacht a dhéanamh mar chuid den chomhairliúchán seo, iarraimid aiseolas ar na ceisteanna comhairliúcháin seo a leanas; níl aiseolas teoranta do na ceisteanna seo, áfach.

An bhfuil aon mholtaí agat ar mhaith leat go ndéanfadh Uisce Éireann machnamh orthu agus Straitéis Fuíolluisce na Gaillimhe á hullmhú aige?

Cuimsíonn limistéar staidéir Straitéis Fuíolluisce na Gaillimhe Ceantar Cathrach na Gaillimhe, Baile Átha an Rí agus Maigh Cuilinn. An bhfuil aon tuairimí agat air seo?

An bhfuil aon tuairimí agat ar an gcur chuige i leith an Mheasúnaithe Straitéisigh Timpeallachta do Straitéis Fuíolluisce na Gaillimhe?

Tugann Roinn 2.1 i gcaibidil 2 de Thuarascáil Scóipe an MST breac-chuntas ar chuspóirí Straitéis Fuíolluisce na Gaillimhe. An bhfuil aon tuairimí agat ar na cuspóirí seo?

I gCaibidil 3 de Thuarascáil Scóipe an MST leagtar amach na dálaí timpeallachta bunlíne reatha agus treochtaí amach anseo. Déantar achoimre ar na ceisteanna comhshaoil i dtábla 3.20.1. An bhfuil aon tuairimí agat orthu seo?

Tá athbhreithniú déanta ag Uisce Éireann ar phleananna, ar bheartais agus ar chláir a bhaineann le Straitéis Fuíolluisce na Gaillimhe i gcaibidil 4 de Thuarascáil Scóipe an MST. An bhfuil aon chinn eile ar cheart a chur san áireamh?

I gCaibidil 5 de Thuarascáil Scóipe an MST leagtar amach na cuspóirí comhshaoil a úsáidfear chun measúnú a dhéanamh ar an Straitéis Fuíolluisce agus ar na héifeachtaí a d'fhéadfadh a bheith aici ar an gcomhshaol. Déantar achoimre ar na cuspóirí seo i dTábla 5.2.1 An bhfuil aon tuairimí agat orthu seo?

Cén chaoi ar mhaith leat go ndéanfadh Uisce Éireann cumarsáid leat de réir mar a théann an plean ar aghaidh?

Teagmháil

Chun aighneacht a dhéanamh seol chugainn í ar ríomhphost nó tríd an bpost faoin 20 Samhain 2024.

Uisce Éireann, Straitéis Fuíolluisce na Gaillimhe, 1 Páirc Ghnó na Gaillimhe, Bóthar Uachtarach an Chaisleáin Nua, An Daingean, Gaillimhe, H91 A3EF

Seol ríomhphost chugainn

A diagram for the roadmap for the Galway Wastewater Strategy from 2023 to 2025 in Irish

Na Chéad Chéimeanna Eile: Comhairliúchán 2

Tar éis do Chomhairliúchán 1 a bheith críochnaithe, déanfaidh Uisce Éireann athbhreithniú agus breithniú ar aiseolas a gheofar ó pháirtithe leasmhara. In 2025, foilseofar Dréachtstraitéis Fuíolluisce na Gaillimhe, agus tabharfar faoi chomhairliúchán poiblí ocht seachtaine, sula ndéanfar athbhreithniú uirthi agus foilseofar an straitéis dheireanach go deireanach in 2025.

Cliceáil chun méid na híomhá a fheiceáil