"Ag ligean do phobail a bheith faoi bhláth" agus tionscadal fuíolluisce riachtanach á chur i gcrích in Áth Eascrach
Tá Uisce Éireann sásta a fhógairt go gcuireadh Scéim Séarachais Áth Eascrach i gcrích. Cuireadh deireadh le sceitheadh camrais neamhchóireáilte isteach in Abhainn Bhun Abhainn (Áth Eascrach) leis an ionad cóireála fuíolluisce agus bonneagar séarachais nua a tógadh mar chuid den scéim seo.
Is éard a bhí i gceist leis an infheistíocht ar fiú €3.5 milliún é, a cuireadh ar fáil in am agus faoin mbuiséad, ná ionad cóireála fuíolluisce nua a thógáil a fhreastalóidh ar dhaonra thart ar 470. Leis an ionad cóireála fuíolluisce mar aon leis an mbonneagar gaolmhar, tabharfar tairbhí d'Áth Eascrach maidir le sláinte, sláine na timpeallachta agus cáilíocht fheabhsaithe an uisce do chách.
Mhol Paul Fallon ó Uisce Éireann an fhoireann a chur beocht sa tionscadal suntasach.
"Táimid an-sásta gur sholáthraíomar an tionscadal tábhachtach seo thar ceann an phobail áitiúil in Áth Eascrach, agus mhuintir na Gaillimhe."
"Cuireadh deireadh le scaoileadh fuíolluisce neamhchóireáilte isteach in Abhainn Bhun Abhainn le Scéim Séarachais Áth Eascrach. Feabhsóidh sé cáilíocht an uisce in Abhainn Bhun Abhainn agus cosnóidh sé uiscí fóillíochta don snámh, iascaireacht, bádóireacht agus fámaireacht; chomh maith le sláine na timpeallachta áitiúla a chosaint. Chomh maith leis na háiseanna áitiúla a fheabhsú, soláthróidh an bonneagar fuíolluisce nua, atá ar mhéid a fhreastalóidh ar fhás sa daonra amach anseo, ardán don fhorbairt shóisialta agus eacnamaíoch."
Cuireadh ionad cóireála fuíolluisce ar fáil mar chuid den tionscadal seo. Is éard a bhí i gceist leis na hoibreacha chomh maith ná an bonneagar fuíolluisce reatha agus easnamhach, a úsáideadh chun camras neamhchóireáilte a chóireáil, a dhíchoimisiúnú. Cuireadh oibreacha feabhsúcháin forsceite uisce stoirme i gcrích chun comhlíonadh faoi na caighdeáin chuí a chinntiú agus cuireadh oibreacha uasghrádaithe i gcrích chomh maith ar an bpríomh-stáisiún caidéalúcháin atá ann cheana, lena n-áirítear caidéil, gléasra meicniúil agus umar stórála uisce stoirme nua a sholáthar.
Cuireadh tús leis an tógáil i mí Eanáir 2022 agus an tionscadal á sholáthar ag Coffey Water Ltd, thar ceann Uisce Éireann.
Is céim mhór chun tosaigh é críochnú an tionscadail seo maidir le hobair Uisce Éireann deireadh a chur leis an gcleachtas do-ghlactha scaoileadh camrais neamhchóireáilte inár n-uiscebhealaí agus inár bhfarraigí. Tá Áth Eascrach i measc 31 baile agus sráidbhaile ar fud na tíre a bhaineann leas as uiscí níos glaine agus áiseanna feabhsaithe mar gheall ar thógáil ionad cóireála nua in áit nach raibh ceann ann cheana.
Sa bhliain 2014, bhí 50 láthair ann ar fud na tíre ina raibh camras neamhchóireáilte á scaoileadh isteach in uiscí gan é a chóireáil. Faoi dheireadh na bliana 2023, cuireadh deireadh le hos cionn 70% de scaoileadh camrais neamhchóireáilte de réir méide trí infheistíocht spriocdhírithe i mbonneagar séarachais nua, áit nach raibh ceann ar bith roimhe sin. Táimid ar sprioc deireadh a chur leis an méid atá fágtha faoin mbliain 2025, le hinfheistíocht os cionn €750 milliún.