Bí Ceangailte

Is féidir leat cineál an cheangail le seirbhísí uisce a theastaíonn uait a roghnú thíos. Ag brath ar an gcéim den phróiseas pleanála ag a bhfuil tú, beidh ort foirm Fiosrúcháin Réamh-cheangail nó foirm Iarratais ar Cheangal a líonadh.

Roghnaigh cineál an cheangail le seirbhísí uisce a theastaíonn uait. Tabhair faoi deara go bhféadfadh cúnamh gairmiúil a bheith de dhíth chun an fhoirm a chomhlánú ina hiomláine agus chun moilleanna a sheachaint.

Ceangal Tí Singil

Seo iarratas ar cheangal d'áitreabh tí singil, mar shampla: teach a tógadh le déanaí nó teach atá ann cheana. (Má tá 2 theach neamhspleácha agat a dteastaíonn ceangal uathu ansin beidh 2 iarratas ar cheangal tí singil de dhíth).

Gnólacht

Seo iarratas ar cheangal d'áitreabh gnó singil nuair nach mbeidh ach custaiméir amháin ann agus ceangal singil inbhilleáilte. (Má tá forbairt comhdhéanta de níos mó ná áitreabh gnó amháin óna dteastódh billeáil ar leith sa todhchaí ansin téigh chuig Iarratas ar Cheangal Ilúsáide/Ilchineálach.)

Forbairt Tithíochta

Seo iarratas ar cheangal d'áitribh tí iomadúla, mar shampla: eastát tithíochta nua a cheangal; bloc árasán a cheangal; cás ar bith nuair a theastaíonn ceangal le soláthar poiblí ó 2 áitreabh tí nó níos mó laistigh den láithreán céanna. (Má tá áitribh tráchtála ann ansin ba cheart an t-iarratas "Ilúsáide/Ilchineálach" a úsáid).

An tAcht um Shaoráil Faisnéise

Tá Uisce Éireann faoi réir fhorálacha an Achta um Shaoráil Faisnéise 2014 ("FOIA") agus faoi réir na gcód cleachtais arna n-eisiúint faoin Acht um Shaoráil Faisnéise a d'fhéadfaí a leasú, a nuashonrú nó a athsholáthar ó am go cheile. Leis an Acht um Shaoráil Faisnéise, cuirtear ar chumas bhaill an phobail rochtain a bheith acu ar thaifid atá i seilbh comhlachtaí poiblí faoi réir díolúintí áirithe amhail nuair nach féidir na taifid arna n-iarraidh a eisiúint, mar shampla chun cearta ar phríobháideachas duine aonair eile a chosaint nó chun faisnéis atá íogair ó thaobh tráchtála de a chosaint.

Lipéadaigh go soiléir aon doiciméad nó aon chuid de ina bhfuil faisnéis atá íogair ó thaobh tráchtála de. Ní ghlacann Uisce Éireann le freagracht ar bith as aon chaillteanas nó damáiste a thagann chun cinn mar thoradh ar iarratais um shaoráil faisnéise a phróiseáil.

Ceisteanna faoi Cheangail?

Má tá ceist agat faoi iarratas a chuir tú isteach, nó má theastaíonn tuilleadh faisnéise uait sula ndéanfaidh tú iarratas, comhlánaigh an Fhoirm Teagmhála Ginearálta um Cheangail.