Gearán gnó a dhéanamh

Táimidne, Uisce Éireann, tiomanta don tseirbhís is airde caighdeán a chur ar fáil dár gcustaiméirí. Mar sin féin, tuigimid go mbíonn fadhbanna ann uaireanta. Déanfaimid ár míle dícheall chun d'fhadhb a réiteach chomh tapa agus is féidir. Má tá tú míshásta le cuid ar bith dár seirbhís, inis dúinn le do thoil. Déanfaimid ár míle dícheall an fhadhb a réiteach chomh héifeachtúil agus chomh cothrom agus is féidir.

Glacaimid le gearáin ó ghníomhaireacht aitheanta nó ó thríú páirtí má dheimhnítear go bhfuil siad ag gníomhú thar do cheann.

Má tá tuilleadh eolais uait faoin gcaoi a ndéileálaimid le gearáin, féach ár gCód Cleachtais maidir le déileáil le gearáin ó Chustaiméirí Teaghlaigh.

Tá 5 bhealach ann chun teagmháil a dhéanamh linn chun gearán a dhéanamh:

• Trí ríomhphost: Is féidir leat do ghearán a sheoladh chugainn ar ríomhphost mar seo a leanas:
• Gearáin ghinearálta: Seol ríomhphost chugainn ag customerservice@water.ie
  Gearáin faoi Sheirbhísí Uisce: Seol ríomhphost chugainn ag operations@water.ie
• Ar an teileafón: Déan teagmháil lenár bhFoireann Tacaíochta Custaiméirí ar 0818 778 778
• Tríd an bpost: Is féidir leat scríobh chugainn ag: Uisce Éireann, Bosca PO 860, Oifig Seachadta Dheisceart na Cathrach, Cathair Chorcaí
• Twitter: Is féidir leat tvuít a sheoladh chugainn ag @IWCare
• Glaonna téacs go teanga/ teanga go téacs: 1800 378 378 do chustaiméirí lagéisteachta (ba cheart d'úsáideoirí Minicom an uimhir seo a úsáid freisin).

Agus gearán á dhéanamh linn, cuir an fhaisnéis seo a leanas ar fáil le do thoil:

• d'ainm
• seoladh do réadmhaoine
• Uimhir theileafóin;
• eolas faoin eachtra nó faoin bhfadhb, lena n-áirítear:
• dátaí (más cuí);
• uimhreacha tagartha nó cuntais;
• faisnéis nó cáipéisí, má cheapann tú go mbeidís ina chabhair againn maidir le do ghearán a thuiscint agus a fhiosrú tuilleadh
• cad ba mhaith leat go ndéanfadh Uisce Éireann chun cúrsaí a chur ina gceart.

Bíonn sé mar aidhm againn do ghearán a réiteach láithreach. Mura féidir linn é sin a dhéanamh, déanfaimidne nó déanfaidh ár gcomhairleoirí seirbhísí custaiméirí teagmháil leat laistigh de 5 lá oibre le réiteach nó le breac-chuntas ar na céimeanna is gá dúinn a dhéanamh chun do ghearán a réiteach ar bhealach sásúil faoi ghnáthchoinníollacha. Seolfaimid an t-eolas is déanaí chugat faoi do ghearán ar an 10ú lá oibre nó roimhe sin fiú, is é sin mura bhfuil sé réitithe cheana féin.

Déanaimid taifead ar gach gearán. Déanaimid taifead i gcónaí ar d'uimhir ghutháin, ar do chuid sonraí teagmhála agus ar achoimre ar do ghearán. Tabharfaidh ár gcomhairleoir seirbhísí custaiméirí uimhir thagartha duit.

Más gá cuairt a thabhairt ar an láithreán, déanfar socruithe ina leith sin laistigh de thréimhse ama réasúnta. Eiseoimid cinneadh deiridh faoi do ghearán laistigh de dhá mhí ón uair a rinne tú do ghearán, agus míneoimid na cúiseanna lenár gcinneadh. Ní mór duit plé linn le linn an fhiosrúcháin chun an toradh sin a bhaint amach

Mura bhfuil tú sásta lenár bhfreagra nó leis an mbealach ar déileáladh le do ghearán, is féidir leat a iarraidh go ndéileálfar leis an gcinneadh ag leibhéal níos airde agus go ndéanfar é a athbhreithniú. Más é sin atá uait, ní mór duit do ghearán a chur i scríbhinn chuig Uisce Éireann agus an seoladh seo a leanas air:

An Bainisteoir Seirbhísí Custaiméirí
Uisce Éireann
Bosca Poist 860
Oifig Seachadta na Cathrach Theas
Cathair Chorcaí
nó
Ríomhphost: customerservice@water.ie

Déanfar an gearán a athbhreithniú agus tabharfar freagra air laistigh de 10 lá oibre (mura bhfuil gá le cuairt a thabhairt ar an láthair/oibreacha a dhéanamh ann agus, sna cásanna sin, cuirfimid in iúl duit cén fáth a bhféadfadh sé níos mó ama a thógáil agus déanfaimid achar ama dóchúil a chomhaontú leat) Mura bhfuil tú sásta fós, is féidir leat do fhreagra a chur ar aghaidh chuig an gCoimisiún um Rialáil Fóntais.

Mura bhfuil tú sásta leis an dóigh ar déileáladh le do ghearáin, is féidir leat do ghearán a chur faoi bhráid an Choimisiúin um Rialáil Fóntais (CRF). Is féidir leo cabhrú leat ach deis a thabhairt d'Uisce Éireann ar dtús an fhadhb a réiteach de réir ár nósanna imeachta maidir le déileáil le gearáin. Eiseoimid freagra ar do ghearán i scríbhinn ina n-inseoimid duit go bhfuil do ghearán dúnta againn agus tabharfaimid sonraí teagmhála Fhoireann Cúraim Custaiméirí CRF duit chun go ndéanfaidh siad athbhreithniú neamhspleách.

Is féidir leat teagmháil a dhéanamh leis an gCoimisiún um Rialáil Fóntas ag:

Foireann an Chúraim Custaiméirí
An Coimisiún um Rialáil Fóntais
Grain House
An Malartán
Cearnóg Belgard Thuaidh
Baile Átha Cliath 24, D24PXW0

Teileafón: 1800 404 404
Facs: (01) 4000 850
Ríomhphost: customercare@cru.ie
Suíomh Gréasáin: www.cru.ie/home/customer-care/water/

Má bhaineann do ghearán neamhréitithe le cáilíocht uisce nó le truailliú, ba chóir duit teagmháil a dhéanamh leis an nGníomhaireacht um Chaomhnú Comhshaoil ag:

An Ghníomhaireacht um Chaomhnú Comhshaoil
Bosca PO 3000
Eastát Chaisleán Bhaile Sheáin
Loch Garman

Teileafón: (053) 916 0600
Suíomh Gréasán: www.epa.ie/enforcement/report