Táillí Ceangail

Caitheann an custaiméir costais agus táillí áirithe a íoc as ceangail a fháil, mar atá faofa ag an gCoimisiún um Rialáil Fóntais (CRF) in Éirinn.

Chuir Uisce Éireann, dá bhrí sin, Beartas um Tháillí Ceangail i bhfeidhm. Is leis an mbeartas seo a leagtar amach sraith chaighdeánach táillí ar cheangail le líonraí uisce agus fuíolluisce Uisce Éireann. Is leis seo freisin a sholáthraítear creat aonair um tháillí ceangail atá soiléir, follasach agus cóir. Déantar na táillí a ríomh ar bhealach costas-léiritheach, bunaithe ar chineál an cheangail.

Bainfidh táillí caighdeánacha ceangail le formhór na gcustaiméirí agus cuirfidh Uisce Éireann seirbhís iomlán ceangail ar fáil chomh fada le teorainn an chustaiméara, agus ansin déanfaidh Uisce Éireann na hoibreacha ceangail ar fad.

Is féidir breathnú ar na táillí i bPlean Táillí Uisce Éireann agus ar shuíomh gréasáin CRF chomh maith.

Tá na táillí seo bunaithe ar pharaiméadair chaighdeánacha. D'fhéadfadh táillí breise a bheith i gceist má tá riachtanais de bhreis ar na paraiméadair chaighdeánacha ag teastáil. Féach an doiciméad Beartais um Tháillí Ceangail le haghaidh sonraí breise. Féach freisin samplaí atá ríofa cheana de tháillí ceangail a ghearrtar ar ghnáthcheangail.

* Gearrfar táille cheangail in aghaidh gach aonaid aonair i gcás iarratais ar cheangal a bhaineann le Forbairtí Cónaithe ilaonad agus le hárasáin ilaonad.

Tá na táillí ceangail seo bunaithe ar Bhonneagar Ceangail nach bhfuil níos faide ná 10 méadar ar fad. Má tá bonneagar breise ag teastáil, gearrfar táillí breise ar féidir luachan a thabhairt ina leith. Tá na táillí ceangail seo bunaithe freisin ar úsáid píobán domhantarraingthe, ach má úsáidtear píobáin neamh-dhomhantarraingthe d'fhéadfadh táillí breise a bheith i gceist. Féach an doiciméad Beartais um Tháillí Ceangail le haghaidh sonraí breise. Féach freisin samplaí atá ríofa cheana de tháillí ceangail a ghearrtar ar ghnáthcheangail.

Níos faide ná 15 mhéadar

Gearrfar na táillí seo a leanas i gcás aon Bhonneagar um Cheangal le Seirbhísí atá níos faide ná 15 mhéadar ar fad san iomlán:  

• An Táille Chaighdeánach Cheangail (an costas a bhaineann le Bonneagar um Cheangal le Seirbhísí a chur ar fáil - bonneagar nach bhfuil níos faide ná 10m ar fad)
• An Táille Chaighdeánach ar gach méadar breise de Bhonneagar um Cheangal le Seirbhísí (bonneagar atá níos faide ná 10 m ar fad, suas go 15 mhéadar ar a mhéad)
• Táillí ar féidir Luachan a thabhairt ina leith maidir le gach méadar de Bhonneagar um Cheangal le Seirbhísí atá sa bhreis ar 15 mhéadar ar fad.

Urra i gcás Bonneagar Ceangail Féin-Leagtha

Ní bhaineann sé seo ach le Forbairtí Cónaithe amháin

Leagtar amach sa chomhaontú um Bonneagar Ceangail Féin-Leagtha a bhfuil i gceist leis an gcomhaontú conarthach idir an custaiméir agus Uisce Éireann maidir le soláthar seirbhísí. Foráiltear leis an gcomhaontú go dtabharfar an bonneagar um sheirbhísí uisce agus fuíolluisce a leag an custaiméir féin ar láimh d'Uisce Éireann, tar éis measúnú dearbhaithe cáilíochta a dhéanamh ar na hoibreacha Féin-Leagtha agus tar éis an bonneagar a bheith ceangailte le líonra(í) Uisce Éireann. Tá foráil ann d'urrús airgeadais a thabhairt d'Uisce Éireann (na Socruithe maidir le hUrrús Airgeadais i gcás Bonneagar Ceangail Féin-Leagtha) i gcásanna áirithe.

Is cuid den Bheartas um Tháillí Ceangail go n-íocfar urrús airgeadais in-aisíoctha in aghaidh gach aonaid i bhforbairt chónaithe ina raibh an bonneagar ceangail Féin-Leagtha. Déanfar leis seo, maolú ar an riosca go mbeidh lochtanna i sócmhainní agus maolú ar neamhchosaint ar riosca i gcásanna nach ndearnadh an obair i gceart. Bíonn sé seo i gceist má sholáthraíonn an custaiméir féin an bonneagar áitiúil agus má tá Comhaontú um Bonneagar Ceangail

Féin-Leagtha ann lena gcaitear an bonneagar a thabhairt ar láimh d'Uisce Éireann. Leagtar amach thíos an t-urra atá ag teastáil agus baineann sé seo le gach iarratas. Baineann an t-urra seo le gach aonad ar leith san iarratas.

Chomh maith leis an neamhchosaint ar riosca atá leagtha amach thuas agus a bhaineann le bonneagar uisce agus fuíolluisce, baineann neamhchosaint bhreise ar riosca le stáisiúin chaidéalúcháin (agus le saoráidí bonneagair aonair eile) i bhforbairt. Tá an t-urrús airgeadais a bhaineann leis seo leagtha amach thíos:

• Suas le 40% de chostas iomlán an stáisiúin caidéalúcháin nó an bhonneagair aonair thar an Tréimhse Dliteanais Lochtanna agus/nó
• Suas le 100% den chostas bliantúil measta ar oibriú agus cothabháil na n-áiseanna seo thar an Tréimhse Dliteanais Lochtanna

Beidh an t-urrús airgeadais seo, an táille iomlán ar an gceangal agus cóip shínithe den chomhaontú ag teastáil sula dtosófar ar na hoibreacha ceangail. Nuair a bheidh deireadh tagtha leis an tréimhse dliteanais lochtanna déanfar an t-urra a scaoileadh i gcomhréir le Beartas Urrúis Airgeadais Uisce Éireann.

Gearrann Uisce Éireann táillí ar Dhícheangal ón Líonra agus ar Athcheangal leis, i gcomhréir leis an mBeartas Dícheangail agus Athcheangail atá faofa ag CRF. Tugtar na táillí seo sa tábla thíos: